2026-yil 8-may kuni Qashqadaryo viloyati statistika boshqarmasida ustoz-shogird anʼanasiga muvofiq xotira va qadrlash kuni munosabati bilan boshqarma boshligʻi N. Xamrayev tashabbusi bilan toʻlqinlantiruvchi uchrashuv tashkil etildi. Ushbu tadbirda viloyat statistika tizimida uzoq yillar davomida samarali faoliyat yuritgan faxriy xodimlar ishtirok etib, oʻzlarining nodir tajribalari va xizmatlari bilan statistika sohasining rivojlanishida muhim oʻrin tutayotganini yana bir bor isbotladilar.
Uchrashuv davomida faxriy xodimlarga mehnat faoliyati davomidagi yutuqlari va xizmatlari uchun chuqur minnatdorchilik bildirildi. Ular oʻzlarining bilim va tajribalari bilan yosh statistiklar uchun ilhom manbai boʻlib, kelajakda ham soha rivoji uchun katta yordam beradi. Tadbirda ishtirok etganlar oʻz fikr va mulohazalari bilan oʻrtoqlashib, statistika sohasidagi yangi tashabbuslar haqida ham suhbatlashdilar.
Xotira va qadrlash kunida tashkil etilgan tadbir mehnat faxriylarini qadrlash, ularning xizmatlarini eʼzozlash, shuningdek, yosh avlod uchun ustozlik anʼanasini davom ettirish maqsadida oʻtkazildi. Ushbu tadbir, statistika sohasidagi anʼanalarni saqlash va rivojlantirishga xizmat qilib, har bir ishtirokchida milliy qadriyatlarning ahamiyatini yana bir bor eslatdi.