Qashqadaryo viloyati statistika boshqarmasining dastlabki ma’lumotlariga ko‘ra, 2026-yilning yanvar-fevral oylarida viloyatimizda jami 6,1 trillion so‘mdan ziyod sanoat mahsulotlari ishlab chiqarilgan.
Sanoat sohasidagi asosiy ko‘rsatkichlar bilan tanishing:
O‘sish dinamikasi: Sanoat ishlab chiqarishining fizik hajm indeksi o‘tgan yilning mos davriga nisbatan 106,2 % ni tashkil etdi. Bu ko‘rsatkich ishlab chiqarish quvvatlarining barqaror kengayib borayotganidan dalolat beradi.
Aholi jon boshiga: Viloyat bo‘yicha aholi jon boshiga sanoat mahsulotlari ishlab chiqarish hajmi o‘rtacha 1 662,2 ming so‘mga yetdi.
Sanoat subyektlari: 2026-yilning 1-mart holatiga ko‘ra, viloyatimizda jami 2 984 ta sanoat korxonasi o‘z faoliyatini samarali davom ettirmoqda.
Qashqadaryo — sanoatlashgan va rivojlangan o‘lka!
