25/06/2021

 

Joriy yilning 25- iyun kuni Chiroqchi tuman statistika bo‘limi xodimlari tomonidan tumandagi “Yangi Dam” mahalla faollari bilan birgalikda “Aholini ro‘yxatga olish” mavzusida davra suhbati o‘tkazildi.

Suhbatda Vazirlar Mahkamasining 2020- yil 11- noyabrdagi “O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710- son qarori ijrosi bo‘yicha olib borilayotgan ishlar yuzasidan ma’lumot berildi.

Shuningdek, aholini roʻyxatga olishga tayyorgarlik koʻrish bo‘yicha xorijiy davlatlar tajribalari hamda shu kunga qadar bajarilgan ishlar va kelgusida amalga oshirilishi lozim bo‘lgan vazifalar to‘g‘risida batafsil ma’lumot berib o‘tildi.

 Tadbir ishtirokchilari o‘zlarini qiziqtirgan savollarga soha mutaxassislari tomonidan atroflicha javoblar olishdi.

 

Matbuot xizmati

Tugmani bosing Tinglash GSpeech