Joriy yilning 20-may kuni Qarshi Turon universitetining talabalariga Qashqadaryo viloyati statistika boshqarmasi tomonidan davra suhbati tashkil etildi.
Ushbu davra suhbatida Qashqadaryo viloyati statistikasi boshqarmasi bosh yurskonsulti M. Sharipov va Roʻyxatga olish jarayonlarini tashkil etish va oʻtkazish boʻlimi bosh mutaxassisi S. Xurramov hamda universitet oʻqituvchi va talabalari ishtirok etishdi.
Davra suhbatida dastlab, viloyat Statistika boshqarmasi bosh yurskonsulti M. Sharipov Oʻzbekiston Respublikasi Prezidentining 2019- yil 5- fevraldagi “Oʻzbekiston Respublikasida 2022- yilda aholini roʻyxatga olishni oʻtkazish Konsepsiyasini tasdiqlash toʻgʻrisida”gi PF-5655- sonli Farmoni, Oʻzbekiston Respublikasining 2020- yil 16- martdagi OʻRQ-611-sonli “Aholini roʻyxatga olish toʻgʻrisi”gi Qonunining mazmun-mohiyati hamda aholini roʻyxatga olishga tayyorgarlik koʻrish va uni oʻtkazishda targʻibot ishlarini olib borish ustuvor yoʻnalishlaridan biri ekanligini taʼkidladi.
Shuningdek, aholini roʻyxatga olishning tashkiliy va metodik tamoyillari, dasturiy-texnik taʻminoti va ma’lumotlarni qayta ishlashning texnologik jarayonlari, xorijiy davlatlar tajribalari va shu kunga qadar bajarilgan ishlar hamda kelgusida amalga oshirilishi lozim boʻlgan vazifalar toʻg‘risida batafsil ma’lumotlarni berib oʻtdi.
Davra suhbati qizgʻin bahs va munozaralarga boy boʻldi. Davra suhbati yakunida talabalarni qiziqtirgan savollariga mutaxassislar tomonidan batafsil javob berildi.