Joriy yilning 21- fevral kuni O‘zbekiston Respublikasi Prezidenti huzuridagi statistika agentligining Jamg‘arma va yordamchi hisoblar bo‘limi boshlig‘i o‘rinbosari M.Yunusova va Xarajatlar va ishlab chiqarish statistikasi bo‘limi bosh mutaxassisi G.Raxmatullayevaning 2023- yilning 6–17- fevral kunlari Vena shahrida (Avstriya) Xalqaro valyuta jamgʻarmasi va Birlashgan Vena instituti tomonidan tashkil etilgan “Moliyaviy dasturlash va siyosat” mavzusida o‘tkazilgan seminardagi ishtiroklari natijalari bo‘yicha taqdimot o‘tkazildi.
Xalqaro seminarda olingan bilimlar asosida yig‘ilish qatnashchilari moliyaviy dasturlash, miqdoriy tahlil, moliyaviy sektor, hisoblar, prognozlash, makroiqtisodiy barqarorlik, o‘rta muddatli istiqbollar, to‘lov balansi, pul-kredit va valyuta siyosati, makroiqtisodiy nomutanosibliklarni aniqlash, ularni muvofiqlashtirish usullari hamda tajribasi bilan tanishtirildi.
Shuningdek, seminar ishtirokchilari boshqarma xodimlarini yuqorida aytib o‘tilgan mavzu bo‘yicha rivojlangan davlatlar tajribalari bilan tanishtirishdi va ushbu seminardan olingan bilim hamda tajribalarni milliy statistika amaliyotida qo‘llash masalalari muhokama qilindi.
Taqdimot jarayonida boshqa davlatlarning statistik faoliyati va tajribasi, xodimlar malakasini oshirish bo‘yicha olib borilayotgan ishlar haqida ham ma’lumotlar berildi.
Matbuot xizmati