Joriy yilning 13- fevral kuni Oʻzbekiston Respublikasi Prezidenti huzuridagi Statistika agentligi tomonidan 2022-yil yakunlari boʻyicha “1- FX” yillik statistika hisobotini topshiruvchi fermer xoʻjaliklariga hisobot topshirishda uslubiy yordam berish maqsadida on-line muloqot tashkil etildi.
Ushbu on-line muloqotda “1- FX” shakli hisobotining har bir boʻlimi va undagi koʻrsatkichlar boʻyicha tushuntirishlar berildi. Hisobot topshiruvchilarning savollariga atroflicha javob berildi.
On-line muloqotlar 2023-yilning 27-fevral kuniga qadar haftaning dushanba, chorshanba va juma kunlari soat 10:00 dan 13:00 ga qadar doimiy tarzda tashkil etiladi.
Eslatib oʻtamiz, kichik korxona va mikrofirmalar uchun “1- FX” yillik statistika hisobotini topshirish muddati 2023-yilning 27-fevral sanasida yakunlanadi.
