2022- yilning yanvar-iyun oylari yakunlariga ko‘ra, YAIM o‘sishi 5,4 % ga yetdi. Iqtisodiyotning barcha tarmoqlarida yaratilgan yalpi qo‘shilgan qiymat hajmi YAIM umumiy hajmining 91,6 % ini tashkil etdi va 5,5 % ga o‘sdi. Mahsulotlarga sof soliqlarning YAIM tarkibidagi ulushi 8,4 % ni tashkil etdi va 2021- yilning yanvar-iyun oylari bilan taqqoslaganda 4,6 % ga o‘sdi.
Faoliyat turlari bo‘yicha qo‘shilgan qiymatning o‘sishi quyidagicha bo‘ldi:
– qishloq, o‘rmon va baliqchilik xo‘jaligida – 2,7 %;
– sanoatda – 5,1 %;
– qurilishda – 6,2 %;
– xizmatlar sohasida – 7,3 %.
