O‘zbekiston Respublikasi Prezidentining 2021- yil 8- noyabrdagi “Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari to‘g‘risida”gi PQ–5282-son qarori qabul qilingan.
Mazkur qarorning ijrosini taʼminlash maqsadida, joriy yilning 12- yanvar kuni Davlat statistika qoʻmitasi xodimlarining farzandlari oʻrtasida turli sport turlari boʻyicha musobaqalar tashkil qilindi. Jumladan, qoʻmita xodimlarining farzandlari sportning yurish, yugurish, mini-futbol, badminton, stritbol va “Workout” turlarida oʻzaro bellashishdi.
Davlat statistika organlari tizimida kichik yoshdan bolalarda sport bilan shug‘ullanishga sog‘lom, kuchli va ta’sirchan motivatsiyani shakllantirish hamda ularning muayyan ko‘rsatkichlari asosida qaysi sport bilan shug‘ullanishini aniqlash, mustaqil rejalashtirish qobiliyatini rivojlantirish bo‘yicha qator ishlar amalga oshirib kelinmoqda.
Matbuot xizmati