Joriy yilning 15- iyul kuni Qashqadaryo viloyati statistika boshqarmasi ro‘yxatga olish jarayonlarini tashkil etish va o‘tkazish bo‘limi mutaxassislari va Aralovul MFY xodimlari ishtirokida Sxematik xaritalar va xonadonlarning raqamlarini o‘rganish ishlari olib borilmoqda.
Shuningdek, ro‘yxatga olish jarayonlarini tashkil etish va o‘tkazish bo‘limi mutaxassislari tomonidan Vazirlar Mahkamasininig 2020- yil 11- noyabrdagi “O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish chora-tadbirilari to‘g‘risida”gi 710- son qarori ijrosi bo‘yicha olib borilayotgan ishlar yuzasidan Aralovul MFY xodimlariga ma’lumot berishdi.
Aholini ro‘yxatga olishning tashkiliy va metodik tamoyillari, dasturiy-texnik ta’minoti va ma’lumotlarni qayta ishlashning texnologik jarayonlarini sinovdan o‘tkazish bo‘yicha so‘z yuritildi. Mutaxassislar aholini ro‘yxatga olishga tayyorgarlik ko‘rish bo‘yicha shu kunga qadar bajarilgan ishlar hamda kelgusida amalga oshirilishi lozim bo‘lgan vazifalar to‘g‘risida batafsil ma’lumot berishdi.
Matbuot xizmati