Joriy yilning 21- fevral kuni Statistika agentligi tomonidan 2024- yil yakunlari boʻyicha yillik “1 kb”, “1 fx” va ”1 mehnat” statistika hisobotlarini taqdim etuvchi tadbirkorlik subyektlariga hisobotlarini topshirishda uslubiy yordam berish maqsadida onlayn muloqotlar tashkil etildi.
Ushbu onlayn muloqotlarda “1 kb”, “1 fx” va “1 mehnat” yillik statistika hisobotlarining har bir boʻlimi, ulardagi koʻrsatkichlar boʻyicha batafsil tushuntirilib, hisobot topshiruvchilarning savollariga atroflicha javob berildi.
Onlayn muloqotlar 2025- yilning 10- mart kuniga qadar haftaning dushanba va juma kunlari soat 10:00 dan 11:30 ga qadar doimiy tarzda tashkil etiladi.
Eslatib oʻtamiz, 1 kb shakli va 1 fx shakli statistika hisobotlarini taqdim etish muddati 2025- yilning 10- mart sanasida yakunlanadi.
Onlayn muloqotlarda faol ishtirok eting!