2024- yil 15–16- oktabr kunlari Anqara shahrida Islom taraqqiyot banki guruhi (IsDB) bilan hamkorlikda SESRIC, IHT Statistika Komissiyasi Kotibiyati (OIC-StatCom)ning 13-sessiyasi bo‘lib o‘tdi.
Unda O‘zbekiston Respublikasi Prezidenti huzuridagi Statistika agentligi direktori o‘rinbosari Zoxidjon Ziyayev Muratovich ishtirok etdi.
Sessiya kun tartibiga koʻra, “Ijtimoiy himoya sohasida ma’lumotlarni inklyuziv to‘plash”, “Yangi ma’lumotlar manbalari va texnologiyalaridan foydalanishda etika”, “Barqaror rivojlanish maqsadlari: SDG 2 (Nol ochlik) ko‘rsatkichlari bo‘yicha monitoring va hisobot berish”, “Rasmiy statistikada sunʼiy intellektdan foydalanish”, “Butunjahon aholi va uy-joylarni ro‘yxatga olish 2020: olingan saboqlar va kelajak uchun rejalar” mavzulari muhokama qilindi.
Shuningdek, 13-sessiya IHT Statistika qoʻmitasining 2021–2025- yillarga mo‘ljallangan Harakat dasturini amalga oshirish hisoboti bo‘lib o‘tdi.
Sessiya davomida tegishli xalqaro tashkilotlar rasmiy statistikada sun’iy intellekt va ML (Machine Learning)ni qo‘llash bo‘yicha so‘nggi sa’y-harakatlar bo‘yicha taqdimotlar o‘tkazildi. IHT mamlakatlari ushbu mavzu bo‘yicha o‘z tajribalari bilan o‘rtoqlashishdi.
Statistika agentligi delegatsiyasi tadbirlar doirasida Turkiya statistika idoralari rahbariyati va xorijlik ekspertlar bilan uchrashib, istiqboldagi hamkorlik masalalari boʻyicha fikr-mulohaza almashishdi.
Matbuot xizmati