Welcome to Qashqadaryo viloyat statistika boshqarmasi   Click to listen highlighted text! Welcome to Qashqadaryo viloyat statistika boshqarmasi Powered By GSpeech

Qashqadaryo viloyat statistika boshqarmasida “Call centre” tashkil etilgan. Murojaat uchun telefon: (+998 75) 221-16-42.

Welcome to Qashqadaryo viloyat statistika boshqarmasi   Click to listen highlighted text! Welcome to Qashqadaryo viloyat statistika boshqarmasi Powered By GSpeech
Click to listen highlighted text! Powered By GSpeech

QASHQADARYO VILOYAT TARIXI

KORRUPSIYAGA QARSHI KURASH

TADBIRKORLAR UCHUN

Joriy yilning 30- iyun kuni aholini ro‘yxatga olish masalalariga bag’ishlangan vebinar bo’lib o’tdi.


Ushbu tadbir Yevropa Ittifoqining O‘zbekistondagi vakolatxonasi hamkorligida tashkil etildi. Vebinarda 25 dan ortiq ishtirokchilar, xususan xalqaro tashkilotlar vakillari, Italiya, Chexiya, Estoniya davlatlari ekspertlari, tegishli vazirlik va idoralar vakillari hamda qo’mitaning  markaziy apparati xodimlari ishtirok etdi.

Vebinarni qo'mita raisining o'rinbosari M. Ziyadullayev kirish so’zi bilan ochib berdi. Demografiya va mehnat statistikasi boshqarmasi boshlig’i Q. Berdiqulov so’zga chiqib, O‘zbekiston Respublikasida 2022- yilda aholini ro‘yxatga olishga tayyorgarlik jarayonida amalga oshirilgan ishlar va kelgusida bajarilishi lozim bo’lgan vazifalar to’g’risida batafsil ma’lumot berdi.

 Shuningdek, xalqaro ekspertlar tomonidan aholini ro‘yxatga olishni rejalashtirish, uning strategiyasi va vaqtinchalik smeta xarajatlarini tuzish, aholini ro‘yxatga olish ma’lumotlarini qayta ishlash texnologiyasi masalalari yuzasidan ma’ruzalar qilindi.

Tadbir so’nggida xalqaro ekspertlar va qo’mita markaziy apparati xodimlari o’rtasida aholini ro‘yxatga olish masalalari yuzasidan qizg’in bahs-munozaralar bo’lib o’tdi.

Axborot xizmati

Joriy yilning 30- iyun kuni Davlat statistika qo‘mitasida Jahon bankining “Ochiq ma'lumotlar ekotizimini rivojlantirish, salohiyatni oshirish va joriy etish” loyihasiga ko‘ra, YXHTning O‘zbekistondagi loyihalari Koordinatori ko‘magida ilgari o‘qitilgan ochiq ma'lumotlar bo‘yicha milliy trenerlarning malakasini oshirish bo‘yicha o‘quv-seminari tashkil etildi.

Tadbir davomida Jahon banki eksperti Ivan Fost ochiq ma'lumotlarni boshqarish metodologiyasi, ma'lumotlarni inventarizatsiya qilish yondashuvlari, mos yozuvlar ma'lumot manbalarini ajratish, ma'lumotlar sifatini baholash haqida ma’lumot berdi.

 

Trening natijalariga ko‘ra, trening ishtirokchilari ochiq ma'lumotlar yetkazib beruvchilar bilan ishlashda tizimli yondashuvga, O‘zbekistonning ochiq ma'lumotlari faoliyatini tartibga soluvchi me'yoriy hujjatlar sifatida yakunlanishi va qabul qilinishi mumkin bo‘lgan individual uslubiy hujjatlar loyihalari, texnologik imkoniyatlar, tartibga solish cheklovlari, foydalanuvchi so‘rovlari, bo‘limlarning kadrlar imkoniyatlari o‘rtasidagi ma'lumotlarni ochishda muvozanatli ish algoritmi kabi tushunchalarni chuqurroq o‘rganish imkoniyatiga ega bo‘ldilar.

Ta’kidlash joizki, 2019- yilda YXHTning O‘zbekistondagi loyihalari Koordinatori tomonidan “Training of trainers in Open Data” o‘quv-seminari doirasida yurtimizdagi 88 ta vazirlik va idoradan 185 nafar xodim o‘qitildi.

2020- yilda ochiq ma'lumotlar bilan ishlash bo‘yicha mas'ul vazirlik va idoralar xodimlari uchun o‘quv kurslarini davom ettirish rejalashtirilgan. O‘z malakasini oshirgan trenerlar Davlat statistika qo‘mitasi, IT-Park, YXHTning O‘zbekistondagi loyihalari Koordinatori va Jahon banki ko‘magida o‘qishni davom ettiradi.

Axborot xizmati

Davlatimiz rahbari o‘z tabrigida “Yoshlar – kelajagimiz” dasturi doirasida yosh avlod vakillarining 7 ming 775 ta biznes loyihasiga 1 trillion 635 milliard so‘mdan ziyod imtiyozli kredit mablag‘lari ajratilib, shu asosda 40 mingga yaqin yangi ish o‘rni tashkil etilganini alohida qayd etdi.

Yurtimizda 2017- yildan buyon 30- iyun – Yoshlar kuni sifatida keng nishonlanib kelinmoqda. Davlat statistika qo‘mitasida ham Yoshlar kunini munosib nishonlash maqsadida turli tadbir va loyihalar o‘tkazilmoqda. Ularning mehnat qilishi, kasbiy salohiyatini oshirishi uchun barcha shart-sharoit yaratilgan.

Davlat statistika qo‘mitasi jamoasi statistika tizimida faoliyat yuritayotgan barcha yoshlarni bayram bilan samimiy qutlaydi.

Axborot xizmati

2020-yilning 26- iyun kuni Davlat statistika qo‘mitasi hamda Toshkent davlat iqtisodiyot universiteti hamkorligida navbatdagi videokonferensiya o‘tkazildi.

Mamlakatimizning turli hududlaridan onlayn ulangan Toshkent davlat iqtisodiyot universiteti rektori boshchiligidagi professor-o‘qituvchilar, ilmiy tadqiqotchilar va talabalarga Davlat statistika qo‘mitasi mutaxassislari tomonidan navbatdagi vebinar tashkil qilindi.

Unda Davlat statistika qo‘mitasi Xizmatlar sohasi statistikasi boshqarmasi boshligʼi Umarov Akmal Rustamovich “O’zbekiston Respublikasida xizmatlar sohasining rivojlanishi” mavzusida batafsil ma’lumot berdi.

Ma'ruzachining qayd etishicha, 2020- yil yanvar-may oylarida ko'rsatilgan bozor xizmatlari hajmi 80 345,0 mlrd. so’mga yetdi. Uning nominal hajmi bor yo’g’i 5 658,7 mlrd. so'mga oshdi. Taqqoslama ekvivalentda, o'tgan yilning shu davriga nisbatan o'sish sur'ati 97,9 % ni tashkil etdi.

Ko'rsatilgan bozor xizmatlari jami hajmining pasayishiga asosiy omil bo’lib, transport xizmatlarining 11,7 % ga (ularning salbiy ta'siri 13,3 punktga), savdo xizmatlari 5,3 % ga (-6,5 punktga), yashash va ovqatlanish xizmatlari 18,0 % ga (-2,3 punktga), ko'chmas mulk bilan bog'liq xizmatlar 18,3 % ga (-2,2 punktga), sog'liqni saqlash sohasidagi xizmatlar 18,0 % ga shuningdek, ijara xizmatlarining 15,1 % ga pasayishi (1,2 punktga) salbiy ta'sir ko'rsatdi.

Toshkent davlat iqtisodiyot universiteti professor-o‘qituvchilari va talabalari mavzu yuzasidan savollar berishdi. Savollarga qo‘mita mutaxassislari atroflicha javob berdi.

Bugungi pandemiya sharoitida hamda mamlakatimizning raqamli iqtisodiyotni rivojlantirishga qaratayotgan e'tiborini inobatga olgan holda tashkil etilayotgan mazkur vebinar muhim ahamiyatga ega. Shundan kelib chiqib, professor-o‘qituvchilar, ilmiy tadqiqotchilar va talabalar uchun bu kabi amaliy ahamiyatga ega bo‘lgan onlayn uchrashuvlar doimiy o‘tkazib kelinmoqda.

Mazkur videokonferensiyaning to‘liq tavsilotlarini qo‘mitaning “Youtube”dagi rasmiy sahifasida kuzatishingiz mumkin.

Axborot xizmati

2020-yilning 26-iyun kuni Davlat statistika qo‘mitasida kadrlar malakasini oshirish bo‘yicha navbatdagi onlayn o‘quv-seminari o‘tkazildi. Bu galgi vebinar Ochiq ma`lumotlar portali faoliyatini monitoring qilish va muvofiqlashtirish boshqarmasi tomonidan tashkil etildi.

Vebinarda mamlakatimizda ochiq ma'lumotlar sohasini rivojlantirishning ahamiyati va istiqbollari haqida ma’lumot berildi.

Ochiq ma`lumotlar portali faoliyatini monitoring qilish va muvofiqlashtirish boshqarmasi boshlig‘i Sultanov Akrom Amanovich ma'lumotlarni shakllantirish va O’zbekiston Respublikasining Ochiq ma'lumotlar portalida e'lon qilishning o‘ziga xos xususiyatlari, texnik jihatlari haqida atroflicha so‘z yuritdi.

Vebinar davomida shu yil 1- iyun kuni Prezident Shavkat Mirziyoyev boshchiligida milliy statistika sohasini takomillashtirish chora-tadbirlariga qaratilgan yigʻilishda davlatimiz rahbari tomonidan statistika tizimini takomillashtirish yuzasidan berilgan topshiriqlar ijrosi bo‘yicha ham so‘z yuritildi.

Vebinarda mavzu yuzasidan fikr almashinib, berilgan savollarga batafsil javob berildi.

Axborot xizmati

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA
Click to listen highlighted text! Powered By GSpeech