Qashqadaryo viloyat statistika boshqarmasida “Call centre” tashkil etilgan. Murojaat uchun telefon: (+998 71) 230-83-94.

KORRUPSIYAGA QARSHI KURASH

TADBIRKORLAR UCHUN

Avval xabar qilinganidek, Xalq deputatlari Qashqadaryo viloyati Kengashining VI-chaqiriq 3 sessiyasi bо‘lib о‘tdi.

Unda viloyat hokimi Zoyir Mirzayev yoshlar bandligini ta’minlash bо‘yicha 2020 yilga mо‘ljallangan “Manzilli reja” va “Yо‘l xaritasi” loyihalari haqida ma’lumot berdi.

Ma’lumki, Qashqadaryoda 3 million 200 ming nafardan ziyod aholi istiqomat qiladi. Shundan 18 yoshdan - 30 yoshgacha bо‘lgan yoshlar 391 ming 758 nafarni tashkil etadi.

Viloyat hokimligida 50 ta idora va korxona rahbarlari kiritilgan ishchi shtab tomonidan о‘tgan davr mobaynida viloyatda 36 ming 636 nafar band bо‘lmagan yoshlar aniqlandi. Ishchi shtab tomonidan ularning bandligini ta’minlashga qaratilgan loyihalar ishlab chiqildi.

Manzilli rejaga kо‘ra, mazkur yilda viloyat va barcha tuman, shahar sektorlari nazorati ostida 26 ming 481 nafar yosh uchun ish о‘rinlari yaratilishi rejalashtirilmoqda.

Ta’kidlanishicha, 2020 yil dasturlar doirasida viloyatdagi yoshlar faoliyati uchun jami 85 milliard 200 million sо‘m miqdorida kredit ajratiladi. Xususan, 42 milliard sо‘m mablag‘ “Har bir oila tadbirkor” dasturi, 15 milliard 100 million sо‘m tijorat banklari krediti hisobidan va 28 milliard 100 million sо‘m “Yoshlar kelajagimiz” dasturi doirasida taqsimlanadi.

Sessiyada Prezidentning fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bо‘yicha maslahatchisining birinchi о‘rinbosari Ulug‘bek Islomovich Muxammadiyev ishtirok etdi.

 

Qashqadaryo viloyati hokimligi Axborot xizmati

Qashkadaryo viloyati hokimining investitsiyalar va tashqi savdo masalalari bо‘yicha о‘rinbosari O.Shagazatov 20-22 fevral kunlari xorijiy investorlarni jalb etish maqsadida Turkiyada bо‘ldi.

Safar davomida "Özfatihler Vinç" - osma kranlar ishlab chikaruvchi, "Topçuoğlu Plastik Ltd. Şti" - tomchilab sug‘orish uskunalari ishlab chikarishga ixtisoslashgan, "Konbaksan Tarim Ürünleri Nakliyat Gida Inşaat Müteahhitlik Hizmetleri San. Tic. Ltd. Şti" - dukkakli о‘simliklarni yig‘ib olish va saralash uskunalarini ishlab chiqarish, "IMAS" - metallkonstruksiya ishlab chiqarish zavodlarida hamda "Yemsa Makina Sanayı A.Ş" korxonasi faoliyati bilan tanishildi hamda mas’ul vakillari bilan hamkorlik bо‘yicha kelishildi.

Kelishuvlarga kо‘ra, mazkur zavod va korxonalar mas’ullari shu yili mart-aprel oylarida loyihalarni yо‘lga qо‘yilishi bо‘yicha Qashqadaryo viloyatiga kelishlari rejalashtirildi.

Qashqadaryo viloyati hokimligi Axborot xizmati

Hademay, bahor keladi. Ayyomlar boshlanadi. Kecha-kunduz tenglashgan kunda yurtimizga “Navrо‘z” kirib keladi.

Xabardorsiz, viloyatimizda yangi yil bayrami о‘zgacha shukuhda nishonlandi. Bayramga monand barcha manzillar dekorativ bezatildi. Baland archalar о‘rnatildi. Yuqori saviyada tantanalar о‘tkazildi. Ta’kidlash joizki, tadbirlar chuqur rejalashtirildi, kengashildi va mushohadalar ortida amalga oshirildi.

 Yangi yil bayramidagi dekoratsiyalardan biri

Bugun Qashqadaryo viloyati hokimi Zoyir Mirzayev Qarshi shahrida nishonlanadigan Navrо‘z umumxalq bayrami tadbirlari rejalarini ishlab chiqish yuzasidan mutasaddilar hamroxligida shaharni yana bir bor kо‘zdan kechirdi.

Viloyat hokimi va mutasaddilar

Dastlab, Qarshi shahrining Markaziy istirohat bog‘idagi Amfiteatr bilan tanishgan rahbar tomoshagoxni navrо‘zning ruhi kelib turadigan etib bezatilishi zarurligini ta’kidladi. Shuningdek, istirohat bog‘i atrofini keng kо‘lamda obodonlashtirish-kо‘kalamzorlashtirish hamda mas’ullarga о‘tkaziladigan madaniy-ma’naviy tadbirlar rejasini kechiktirmay ishlab chiqish vazifalari topshirildi.

Qarshi shahridagi  Amfiteatr maydoni

Bayram shodiyonalari nishonlanishi rejalashtirilgan manzillarni avtobusda yurib kо‘zdan kechirgan viloyat rahbari yо‘l davomida mutasaddilar bilan muloqot qildi.

Viloyat hokimining mutasaddilar bilan suhbat jarayoni

Shahar navrо‘z kunlarida bayramning urf odatlarini, qadriyatlarini ifoda etadigan kо‘rinishda bо‘lishini ta’minlash, keng kо‘lamli obodonchilik va kо‘kalamzorlashtirishga alohida e’tibor qaratish, amalga oshirilayotgan ishlarni atroflicha ommaviy axborot vositalarida keng yoritish bо‘yicha topshiriqlarni berdi.

Shu bilan birga, Zoyir Mirzayev Qarshi shahar hokimining taklifi bilan “Shuhrat” qо‘rg‘oni hududini ham kо‘zdan kechirdi. Bu maskan nomiga monand holatga keltirilishini ta’minlash yuzasidan topshiriqlar berildi. Aytib о‘tish joiz, rahbar ancha yillar e’tibor qaratilmagan qо‘rg‘on muzeyi bilan tanishish chog‘ida mavjud sur’atlar va stendlarni birma bir tomosha qildi. Tasviriy san’atdan xabardor rahbar qarovsiz muzeyda ahamiyatga molik stend va sur’atlar borligini ta’kidlab, muzey holatini yaxshilash va ta’mirlash bо‘yicha zarur chora-tadbirlar kо‘rilishiga e’tibor qaratdi.

"Shuhrat" qо‘rg‘oni kirish yо‘lagi

"Shuhrat" qо‘rg‘oniga kirish qismi

"Shuhrat" qо‘rg‘oni

"Shuhrat" qо‘rg‘oni qarovsiz muzeyi kirish qismi

"Shuhrat" qо‘rg‘oni qarovsiz muzeyi

"Shuhrat" qо‘rg‘oni qarovsiz muzeyi

"Shuhrat" qо‘rg‘oni qarovsiz muzeyi

E’tirof etish kerak, rahbar avtobusda Qarshi shahar hokimi, boshqarma boshliqlari va mutaxassislar bilan yuzma yuz suhbat qilib, ulardan takliflar sо‘radi, fikrlarini tingladi, dо‘stona muloqot davomida viloyat hokimi bugungi berilgan topshiriqlar ijrosi yana muhokama qilinishini alohida ta’kidlab о‘tdi.

Xulosa о‘rnida aytish joiz, ana shunday о‘ziga xos an’ana - ochiq suhbat, fikrlar almashinuvi mutasaddilarga yanada samarali, mas’uliyatli ishlashga turtki bо‘lishi bilan ahamiyati yuqoridir.

Qashqadaryo viloyati hokimligi Axborot xizmati

Ozarbayjonning Baku shahrida shu yili 8-9 fevral kuni mental arifmetika bо‘yicha “CaspianCup2020” musobaqasi bо‘lib о‘tdi. Quvonarlisi mazkur musobaqada qatnashgan qashqadaryolik 8 nafar ishtirokchi barcha yо‘nalishlarda zafar quchishdi.

Viloyat hokimi Z.Mirzayev Qarshi shahridagi Abdulla Oripov nomidagi maktabda yosh chempionlar va ularning ota-onalari bilan uchrashdi. Uchrashuvda musobaqada zafar quchgan yoshlar va ularning ota-onalari viloyat rahbari tomonidan esdalik sovg‘alari va pul mukofotlari bilan taqdirlanishdi.

 Quyida taqdirlangan aqliy arifmetika Xalqaro tanlovi g‘oliblari va ularning ota-onalari rо‘yhati bilan tanishishingiz mumkin.

  1. Lutfullo Ulug‘bekov, 1-davlat ixtisoslashtirilgan maktabi 5-sinf о‘quvchisi, Super chempion – 3 mln sо‘m (otasi – Nuriddinov Mahmud, onasi – Nazarova Xurshida);
  2. Xushnudbek Xushvaqtov, 9-maktab 4-sinf о‘quvchisi, Super chempion – 3 mln sо‘m (onasi – Xudayqulova Shahzoda);
  3. Muslimbek Hazratqulov, “Ilm-Ziyo” xususiy maktabi 2-sinf о‘quvchisi, 1-о‘rin – 2 mln 500 ming sо‘m (otasi – Berdiyev Jamshid, onasi – Jо‘rayeva Xurshida);
  4. Asilbek Karimov, 8-maktab 4-sinf о‘quvchisi, 1-о‘rin – 2 mln 500 ming sо‘m (otasi – Karimov Xamdam, onasi – Raxmatova Yulduz);
  5. Mumtozbegim Rustamova, 5-maktab 1-sinf о‘quvchisi, 2-о‘rin – 2 mln sо‘m (otasi – Rustamov О‘ktamjon, onasi – Rustamova Xusnora);
  6. Lazizbek Eshmirzayev, 23-maktab 3-sinf о‘quvchisi, 2-о‘rin - 2 mln sо‘m (otasi – Eshmirzayev Farhodjon, onasi – Temirova Latofat).

Qashqadaryo viloyati hokimligi axborot xizmati

Bugun Qarshi shahridagi musiqa va san’at maktabida 2-sektor rahbari - Qarshi shahar prokurori Aktam Navrо‘zov о‘z sektori hududidan kelgan 200 dan oshiq yosh bilan muloqot qildi.

Tadbir yoshlar muammolarini о‘rganish, ularni samarali hal etishga bag‘ishlandi.

Ochiq suhbat tarzida о‘tgan uchrashuvda prokurorga kо‘plab yoshlardan masala kelib tushdi. Xususan, 10 nafarga yaqin yosh tadbirkorlik boshlash uchun imtiyozli kredit olishda yordam sо‘radi. О‘rganish о‘tkazib, ularga sektor rahbari tavsiyasi berilishi bildirildi.

15 nafardan ziyod yosh yigit-qiz esa bandligi ta’minlanishini iltimos qildi. Bu boradagi aksariyat sо‘rov joyida hal etildi.

6 nafar yoshga ishga joylashgani haqidagi buyruq, yana shunchasiga kasb-hunarga о‘qitish markaziga yо‘llanma berildi. Fan, san’at va sport sohasida yutuqqa erishgan 8 nafar yoshga prokuror tashakkurnomasi va esdalik sovg‘asi topshirildi.

 

Qarshi shahar hokimligi Axborot xizmati

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA