2. ASOSIY SAHIFA
  3. MATBUOT MARKAZI
  4. Qo'mita yangiliklаri

Sayt test rejimida ishlamoqda

Davlat statistika qo`mitasi faoliyatiga oid matbuot anjumani bo`lib o`tdi

2018 yil 10 dekabr kuni soat 11:00da “Taraqqiyot strategiyasi” markazida “Davlat statistika qo`mitasi tizimida amalga oshirilgan ishlar sarhisobi” mavzusida matbuot anjumani bo`lib o`tdi.

Tadbirda, Davlat statistika qo`mitasi rahbariyati, markaziy apparat tarmoq boshqarmalari boshliqlari va xodimlari hamda ommaviy axborot vositalari vakillari ishtirok etdi.

Matbuot anjumanida ta`kidlanganidek, mamlakat hukumati tomonidan foydalanuvchilar uchun rasmiy statistika ma`lumotlarini maksimal darajada ochiqligi, oshkoraligi va shaffofligini ta`minlash bo`yicha qat`iy choralar ko`rilmoqda. O`z navbatida, Davlat statistika qo`mitasi tomonidan www.stat.uz rasmiy saytining yangilangan shakli ishlab chiqildi va ishga tushirildi. Saytning yangilangan shakli foydalanish uchun qulay bo`lgan interfeysda yaratilgan. Unda foydalanuvchilarga qulaylik yaratish maqsadida statistik ma`lumotlar bir bo`limda yaxlitlangan, tahliliy ma`lumotlar va press-relizlar chop etilishi yo`lga qo`yilgan, barcha ma`lumotlar uch tilda (o`zbek, rus va ingliz) joylashtirib boriladi.

Mamlakatimiz va viloyatlarning ijtimoiy-iqtisodiy holatini infografika, diagramma, video, maqola, tahliliy materiallar, taqqoslashlar va boshqa zamonaviy usullar shaklida muntazam yoritib borish borasida ommaviy axborot vositalari bilan yaqin va samarali hamkorlik o`rnatilgan.

Bundan tashqari, tadbirda Davlat statistika qo`mitasining Facebook ijtimoiy tarmog`ida sahifasi va Telegram messenjerida guruhi ochilgani bo`yicha ma`lumotlar berib o`tildi.

Davlat statistika qo`mitasi tomonidan BMTning Yevropa iqtisodiy komissiyasi, Xalqaro valyuta fondi, Yevrostat va boshqa halqaro tashkilotlar va statistika institutlari bilan statistik hisobotlarning uslub va uslubiyotlarini takomillashtirish va ularni umume`tirof etilgan halqaro standartlarga muvofiqlashtirish bo`yicha faol ish olib borilayotganligi ta`kidlandi. Xususan, kichik korxonalar, mikrofirmalar, dehqon va fermer xo`jaliklari statistik kuzatuvlari takomillashtirildi, iqtisodiyotning turli tarmoqlarida norasmiy faoliyatni iqtisodiyotning turli sektorlarida muntazam statistik kuzatuvlari tizimi kengaytirildi, inflyatsiya darajasini hisoblash va monitoringining yangi uslubiyati joriy etildi, “Milliy hisoblar tizimi — 2008” tavsiyalari asosida hisobning uslub va uslubiyatlari takomillashtirildi.

Davlat statistika organlari oldida turgan global muammolardan biri xorijiy mamlakatlar axborot resurslarida mamlakatning ijtimoiy-iqtisodiy rivojlanishi haqida ishonchli va aniq statistik ma`lumotlarni joylashtirib borish hisoblanadi.

Shuningdek, Davlat statistika qo`mitasi tomonidan muntazam ravishda mamlakatning yetakchi oliy o`quv yurtlarida seminarlar va davra suhbatlari o`tkazilmoqda va ommaviy axborot vositalarida keng yoritilmoqda.

Yuqoridagilar qatorida, matbuot anjumani davomida mamlakatda amalga oshirilayotgan ijtimoiy-iqtisodiy islohotlar va ularning natijalari besh yillik qiyosiy statistik tahlillar ko`rinishida taqdim etildi.

Matbuot anjumanida Davlat statistika qo`mitasi mutaxassislari jurnalistlar tomonidan berilgan barcha savollarga atroflicha javob berdi.

Bangkok shahrida “Aholining tabiiy harakati va fuqarolik holati dalolatnomalarini ro’yxatga olish” mavzusi bo’yicha mintaqaviy boshqaruv guruhining to’rtinchi kengashi bo’lib o’tdi

2018 yilning 13-15 noyabr kunlari Bangkok shahrida (Tailand) “Aholining tabiiy harakati va fuqarolik holati dalolatnomalarini ro’yxatga olish” bo’yicha mintaqaviy boshqaruv guruhining to’rtinchi kengashi bo’lib o’tdi. Mazkur kengash Birlashgan Millatlar Tashkilotining Osiyo va Tinch Okeani bo’yicha iqtisodiy va ijtimoiy komissiyasi (ESCAP) tomonidan tashkil etildi.

 

Uchrashuvda Davlat statistika qo’mitasining Demografiya va mehnat statistikasi boshqarmasi boshlig’i o’rinbosari, Mehnat resurslari balansi, bandlik va mehnatga haq to’lash ko`rsatkichlarini shakllantirish va tahlil etish bo`limi boshlig’i Z.Yuldoshev ishtirok etdi.

Shuningdek, kengashda Tailand, AQSH, Janubiy Koreya, Kamboja, Singapur, Malayziya, Mongoliya, Yangi Zenlandiya, Indoneziya, Filippin, Fiji, Timor Leste, Kook orollari, Vanuatu, Butan, Hindiston, Pokiston, Bangladesh, Eron, Armaniston, Qozog’iston hamda O’zbekiston davlatlarining fuqarolik holati dalolatnomalarini ro’yxatga olish idoralari hamda statistika idoralari rahbar va xodimlari hamda ESCAP, UNICEF kabi xalqaro tashkilotlar vakillari ishtirok etishdi.

 

 

Kengashda Osiyo va Tinch okeani mintaqalari bo’yicha aholining tabiiy harakati va fuqarolik holati dalolatnomalarini ro’yxatga olish masalalari yuzasidan 2020 yilgi vazirlar Konferensiyasiga tayyorgarlik ko’rish yuzasidan ishtirokchi davlatlarning oraliq taraqqiyot ko’rsatkichlari muhokama qilindi.

Axborot xizmati

2018 yilning oktyabr oyi uchun O`zbekiston Respublikasi iste`mol sektoridagi inflyatsiya darajasi

Joriy yilning oktyabr oyida mamlakatning iste`mol bozoridagi tovarlar va xizmatlar narxi o`rtacha 1,3 %ga ko`tarildi. Umumiy hisobda 10 oy davomida iste`mol sektorida inflyatsiya darajasi 9,5 %ni tashkil etdi. batafsil...

O`zbekiston Respublikasi Davlat statistika qo`mitasida statistika sohasida o`zaro tajriba almashish masalalarida xorijiy ekspertlar bilan ishchi tartibdagi uchrashuv bo`lib o`tdi.

2018 yilning 5 noyabridan 7 noyabriga qadar O`zbekiston Respublikasi Davlat statistika qo`mitasida statistika sohasida o`zaro tajriba almashish masalalarida xorijiy ekspertlar (Tengiz Sekvava-Gruziya milliy statistika xizmati direktori o`rinbosari va Zaza Chelidze-xalqaro ekspert, FAOning milliy siyosat bo`yicha bosh maslahatchisi) bilan ishchi tartibdagi uchrashuv bo`lib o`tdi.

Uchrashuvlar davomida ekpertlar Gruziya milliy statistika xizmati tajribasi va ilg`or amaliyotlari bilan o`rtoqlashdilar.

Uchrashuvlar iliq va do`stona ruhda bo`lib o`tdi.

Axborot xizmati

Davlat statistika qo`mitasida “Reformatics” kompaniyasining vakili bilan uchrashuv bo`lib o`tdi

2018 yil 16 oktyabr kuni Davlat statistika qo`mitasida “Reformatics” kompaniyasining xalqaro eksperti Z.Chelidze va O`zbekiston Respublikasi Prezidenti huzuridagi loyiha boshqaruvi milliy agentligi vakili bilan uchrashuv bo`lib o`tdi.

 

Uchrashuvda rasmiy statistika faoliyatini tashkil etishda tajriba almashuvi hamda ilg`or tajribani amaliyotda qo`llash masalalari muhokama qilindi. Uchrashuv davomida, xalqaro ekspert Gruziya statistika xizmati rahbari sifatida ishlagan davrida orttirilgan tajribasi bilan o`rtoqlashdi.

Uchrashuv iliq va do`stona muhitda o`tdi.

Axborot xizmati