Hurmatli foydalanuvchilar, Sizlarni Davlat statistika qo`mitasi tomonidan joriy yilning 1 iyunidan 30 sentyabrigacha “Taqdim qilinayotgan statistik ma`lumotlarning sifatidan foydalanuvchilarning qoniqish darajasini baholash” bo`yicha o`tkazilayotgan so`rovnomada, savolnomani to`ldirish asosida ishtirok etishga taklif qilamiz.

TADBIRKORLAR UCHUN

Shu yilning 13-sentabr kuni O'zbekiston Respublikasi Davlat statistika qo'mitasida bo'lib o'tgan yig'ilishda O'zbekiston Respublikasi va Hindiston Respublikasi o'rtasidagi ikki tomonlama hamkorlikni rivojlantirish masalalari muhokama qilindi.

Tadbirda Elchixonaning ikkinchi kotibi janob P.K.Agraval so‘z yuritdi. Tomonlar ikki tomonlama munosabatlarni rivojlantirishning hozirgi holati yuzasidan fikr almashdi, o'zaro savdo va xizmat ko'rsatish hajmlarini muhokama qildi.

Davlatlar o'rtasidagi hamkorlikni yanada mustahkamlash maqsadida Davlat statistika qo'mitasi bilan axborot almashish to'g'risida kelishuvlarga erishildi.

Uchrashuvdan so'ng janob Agraval Davlat statistika qo'mitasi rahbariyatiga uchrashuvni tashkil etgani uchun minnatdorchilik bildirdi.

Uchrashuv samimiy va do'stona ruhda o'tdi.

Axborot xizmati

2019 yil 2-6-sentyabr kunlari Chiba (Yaponiya) shahrida barqaror rivojlanish maqsadlari (BRM) ekologik-iqtisodiy hisob tizimi va atrof-muhit statistikasi bo‘yicha o‘quv kursi bo‘lib o‘tdi.

Kurs Birlashgan Millatlar Tashkilotining Osiyo va Tinch Okeani mamlakatlari uchun statistika instituti (SIAP) hamda Osiyo va Tinch Okeani iqtisodiy va ijtimoiy komissiyasi (OTOIIK) tomonidan tashkil etildi.

Osiyo va Tinch okeani statistika institutida o‘tkazilgan mazkur kursda Ozarbayjon, Butan, Hindiston, Eron Islom Respublikasi, Laos Xalq Demokratik Respublikasi, Malayziya, Maldiv orollari, Myanma, Mongoliya, Mikroneziya, Shri-Lanka, Yaponiya, Qozog‘iston, Tailand, Tojikiston kabi davlatlardan vakillar ishtirok etdi.

Mazkur o’quv dasturda O‘zbekiston Respublikasidan Ekologiya va atrof muhitni muhofaza qilish davlat qo‘mitasi vakili va Davlat statistika qo‘mitasidan Qishloq xo‘jaligi va ekologiya statistikasi boshqarmasining Ekologiya va chiqindilardan foydalanish statistikasi sho‘basi mudiri D.Xodjaev qatnashdilar.

O‘quv kursida atrof-muhit statistikasini rivojlantirishning asosiy konsepsiyasi va tamoyillari asoslari ko’rib chiqildi. Shuningdek, statistika amaliyotiga ekologik-iqtisodiy hisob tizimini tadbiq etish, atrof-muhit ko‘rsatkichlarini statistik hisobga olishning uslubi bilan bog‘liq masalalar muhokama qilindi.

Axborot xizmati

oriy yilning 31 avgust kuni O'zbekiston Respublikasi Mustaqilligining 28 yilligi munosabati bilan Davlat statistika qo’mitasi jamoasi Mustaqillik maydonidagi “Mustaqillik va ezgulik monumenti” poyiga gul qo'yish marosimida vazirliklar va idoralar, shuningdek, jamoat tashkilotlari bilan birgalikda faol ishtirok etdi.

 

Axborot xizmati

Joriy yilning 27- avgust kuni Davlat statistika qo'mitasida Barqaror rivojlanishning atrof muhit va rivojlanish Departamenti (ESCAP) eksperti bilan texnik ko’mak va hamkorlik masalalari bo`yicha uchrashuv bo`lib o`tdi.

Yig'ilishni Davlat statistika qo'mitasi raisi o'rinbosari Mahmudjon Ziyodullaev olib bordi va milliy BRMga erishish bo'yicha amalga oshirilayotgan ishlar to'g'risida batafsil ma`lumot berdi.

Uchrashuvda O'zbekistonda BRMning taraqqiyoti, Milliy barqaror rivojlanishni amalga oshirish va monitoring qilish, hamda statistika qo'mitasining ixtiyoriy milliy sharhga tayyorgarlik ko’rish jarayonidagi roli muhokama qilindi.

Barqaror rivojlanishning atrof muhit va rivojlanish Departamenti (ESCAP) eksperti O'zbekistonning barqaror rivojlanish milliy maqsadlariga erishish yo'lidagi sa'y-harakatlarini yuqori baholadi va Davlat statistika qo'mitasi rahbariyatiga uchrashuv tashkil etgani uchun minnatdorchilik bildirib, kelgusida samarali hamkorlik qilishga bildirdi.

Uchrashuv samimiy va do'stona ruhda o'tdi.

Axborot xizmati

2019 yil 29 iyul - 2 avgust kunlari Davlat statistika qo'mitasida Jahon bankining iqtisodchisi Uilyam Saytz uy xo'jaliklari tanlama kuzatuvlarini takomillashtirish maqsadida seminar trening o'tkazdi.

Seminar treningning asosiy maqsadi - O'zbekistonda uy xo'jaliklari tanlama kuzatuvlari ma'lumotlarini takomillashtirish hamda kuzatiladigan uy xo'jaliklar sonini oshirish yo'llari muhokama qilindi.

Ushbu seminar doirasida, uy xo'jaliklarini tanlama kuzatuvlarini o'tkazish uchun  yangi so'rovnomalar ishlab chiqish masalalari muhokama qilindi. Shuningdek, kam ta'minlangan aholini hisoblash uslubiyati muhokamasi bo'lib o'tdi.

Taqdimotda xalqaro amaliyotni hisobga olgan holda uy xo'jaliklarini tanlab olish tadqiqotlarini o'tkazish bo'yicha amaliy tavsiyalar berildi. O'rta Osiyodagi boshqa tadqiqotlar bilan qiyosiy tahlil o'tkazildi. Uy xo'jaliklari kuzatuvi  savolnomalari takomillashgan namunasi ko'rib chiqildi.

Axborot xizmati

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA
O`ZBEKISTON RESPUBLIKASI PREZIDENTINING PQ-3165-SON QARORI
O`ZBEKISTON RESPUBLIKASI DAVLAT STATISTIKA QO`MITASI FAOLIYATINI TAKOMILLASHTIRISH CHORA-TADBIRLARI TO`G`RISIDA