Qashqadaryo viloyat statistika boshqarmasida “Call centre” tashkil etilgan. Murojaat uchun telefon: (+998 71) 230-83-94.

KORRUPSIYAGA QARSHI KURASH

TADBIRKORLAR UCHUN

  2020 yil 20-fevral kuni Qashqadaryo viloyati statistika boshqarmasida “ Psixologik bilimlarning inson faoliyatidagi roli” mavzusida navbatdagi ma’naviyat soati tashkil etildi. Unda boshqarma  xodimlari ishtirok etdi.

      Tadbirga Qarshi Davlat Unversiteti "Boshlang`ich ta’lim" kafedrasi  tadqiqotchisi  A.Soatov taklif etildi. U mavzu yuzasidan batafsil so‘z yuritdi.

Ma’naviyat soatini o‘tkazishdan ko‘zlangan maqsad – ish jarayonini tashkil etishda samarali usullardan foydalanish, kadrlar salohiyatini oshirishning ilg‘or metodlari, rahbar kadrlar ish uslubi va boshqarish qobiliyatini takomillashtirishga ko‘maklashishdan iborat.

Ma’naviyat soati davomida ishni samarali tashkil etishda vaqtni to‘g‘ri taqsimlash, bo‘sh vaqtni mazmunli va maroqli o‘tkazish, amalga oshiriladigan ishlar rejasini aniq va mukammal tuzish kabi masalalarda fikr-mulohaza almashildi.

Tadbir so‘ngida xodimlarni qiziqtirgan savollarga hayotiy misollar asosida batafsil javob berildi.

 

Axborot xizmati

Joriy yil 17-18-fevral kuni Qarshi shahridagi “Boshoqli don urug`chiligi” ilmiy tadqiqot institutining majlislar zalida O‘zbekiston Respublikasi Prezidentining 2019-yil 9-apreldagi “Davlat boshqaruvining ochiqligi va shaffofligini ta'minlash hamda mamlakatning statistika salohiyatini oshirish yuzasidan qo‘shimcha chora-tadbirlar to‘g‘risida”gi qarori mazmun-mohiyatini keng targ‘ib etish masalalariga bag‘ishlangan o‘quv-seminari o‘tkazildi.

Seminarda Qashqadaryo va Surxandaryo hududiy boshqarmalarining turmush darajasi va uy xo‘jaliklari kuzatuvlari bo‘limi boshliqlari hamda barcha intervyuerlar ishtirok etdi.

Mazkur tadbirni tashkil etishdan ko‘zlangan asosiy maqsad qarorda belgilangan islohotlarni amaliyotga keng joriy etish, yurtimiz aholisining turmush darajasi va farovonligini o‘rganish, shu bilan birga uy xo‘jaliklarida tanlama kuzatuvlar o‘tkazishni xalqaro standartlarga moslashtirishdir.

Seminarda 2020-yil davomida sinov tariqasida uy xo‘jaliklari tanlama kuzatuvlarini elektron qurilma (planshet)lar yordamida o‘tkazish va buning qulayliklarini aholiga yetkazish bo‘yicha amalga oshirilayotgan ishlar xususida so‘z yuritildi. Soha mutaxassislari tadbiq etilayotgan yangi texnologiya va yo‘nalishlarning nazariy va amaliy jihatlari haqida alohida to‘xtalib o‘tdi.

 

Axborot xizmati

 

 

 

Joriy yilning 18-fevral kuni Viloyat statistika boshqarmasida yosh kadrlarning o'rni va salohiyatini yuksaltirish maqsadida navbatdagi uchrashuv tashkil etildi. Tadbirda boshqarma boshlig'i Turayev Farhod Samadovich boshqarmada ishlayotgan yosh xodimlar bilan ochiq muloqot o'tkazdi.
Uchrashuvda boshqarma boshlig'i yoshlarga oid davlat siyosatini amalga oshirishda yosh kadrlarning o'rni va salohiyati xususida batafsil to'xtalib o'tdi. Shuningdek, yosh kadrlarning kasbiy ko'nikmasini oshirish, yoshlar o'rtasida huquqbuzarlik jinoyatchilikning oldini olish va, va hayot faoliyatda badiiy adabiyot, sport, ilmiy izlanish va tadqioti ylichi islati misatyat islat islat yahar islat Statistika sohasida innovatsion texnologiyalarni joriy etishda yoshlarning faol bo '
Tadbir davomida yoshlar o'zlarini qiziqtirgan savol va takliflari bilan murojaat qilishdi. Boshqarma boshlig'i yoshlar oldiga bir qator vazifalarni qo'ydi. Jumladan, chet tillarini mukammal o'rganish, ilmiy salohiyatni oshirish, yurtimizning madaniy, tarixiy o'tmishidan xabardor bo'lish birga vatanparvar, tashabbuskor bo'lishga chaqirdi.
Ochiq muloqot yakunida boshqarma boshlig'i bunday uchrashuvlar muntazam ravishda davom etishini ta'kidladi.

 

Axborot xizmati

Joriy yilning 10-Fevral kuni Qashqadaryo viloyati statistika boshqarmasi boshlig`i F.S.Turayev tomonidan tarmoq bo`lim boshliqlariga   tadbirkorlik sub’yektlari “1-KB shakli (yillik) “Mikrofirma va kichik korxonaning 2019 yil uchun hisoboti” va 1-FX shakli (yillik) “Fermer xo'jaligi faoliyati to'g'risida 2019 yil uchun hisobot” davlat statistika hisobotlarini to'g'ri to'ldirish va haqqoniy taqdim etish bo`yicha yig'ilishi bo'lib o'tdi.

Joriy yilning 7–fevral kuni Qashqadaryo viloyati statistika boshqarmasidа 2019-yil yakunlariga bag`ishlangan Kengash yig`ilishi bo`lib o`tdi. Yig`ilishda milliy statistika tizimini takomillashtirish yuzasidan O‘zbekiston Respublikasi Prezidenti va Hukumatining hujjatlari hamda topshiriqlarida belgilab berilgan vazifalarning ijrosi yuzasidan viloyat statistika organlarida 2019-yil davomida amalga oshirilgan ishlar hamda kelgusidagi ustuvor vazifalar muhokama qilindi.

Kun tartibiga binoan O‘zbekiston Respublikasi Prezidentining 2019-yil 9-apreldagi “Davlat boshqaruvining ochiqligi va shaffofligini ta’minlash hamda mamlakatning statistika salohiyatini oshirish yuzasidan qo‘shimcha chora-tadbirlar to‘g‘risida”gi PQ-4273-son Qarorida viloyat statistika organlariga yuklatilgan vazifalar ijrosi yuzasidan amalga oshirilayotgan tadbirlar natijadorligi ko‘rib chiqildi.

Tadbirda O‘zbekiston Respublikasi Prezidentining “O‘zbekiston Respublikasida 2022-yilda aholini ro‘yxatga olishni o‘tkazish konsepsiyasini tasdiqlash to‘g‘risida”gi Farmoni ijrosi yuzasidan amalga oshirilgan ishlar to‘g‘risida batafsil ma'lumot berildi.  

Shuningdek, O‘zbekiston Respublikasi Prezidentining 2019-yil 27-maydagi “O‘zbekiston Respublikasida korrupsiyaga qarshi kurashish tizimini yanada takomillashtirish chora-tadbirlari to‘g‘risida”gi PF-5729-son Farmoni bilan belgilab berilgan vazifalar ijrosi hamda 2019-yil davomida amalga oshirilgan ishlar samaradorligi bo`yicha masalalar yig`ilish kun tartibidan o`rin oldi.

Kengaytirilgan Kengash yig`ilishi yakunida ijro intizomi va tashkiliy masalalar ko`rib chiqilib, natijalar bo`yicha tegishli qarorlar qabul qilindi.

 

Axborot xizmati

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA